ప్రియుడి ముందే ప్రియురాలు గ్యాంగ్ రేప్‌
కర్ణాటక రాష్ట్రంలోని మైసూరులో పట్టణంలో దారుణం చోటుచేసుకుంది. మద్యం మత్తులో ఆరుగురు కామాంధులు ప్రియుడి ముందే యువతిపై సామూహిక అత్యాచారానికి పాల్పడ్డారు. పోలీసుల సమాచారం ప్రకారం మైసూరు నగర శివార్లలోని లింగాంబుధి చెరువు వద్ద ఈ ఘటన చోటుచేసుకుంది. నగరంలోని ఓ లాడ్జిలో పనిచేస్తున్న ఓ యువతి, యువకుడు కొంతకాలంగా ప్రేమించుకుంటున్నారు. బుధవారం రాత్రి వీరిద్దరూ లింగాంబుధి చెరువు వద్దకు సరదాగా కబుర్లు చెప్పుకొనేందుకు వెళ్లారు. అదే సమయంలో ఆరుగురు యువకులు కారులో అక్కడికి వచ్చారు. మద్యం మత్తులో యువతిని చూసిన ఆ కామాంధులు యువకుడిని తాళ్లతో చెట్టుకు కట్టేసి యువతిపై సామూహిక అత్యాచారానికి ఒడిగట్టారు. సమాచారం అందుకున్న జయపుర పోలీసులు కేసు నమోదు చేశారు. కామాంధుల్ని పట్టుకొనేందుకు మూడు బృందాల్ని ఏర్పాటు చేశారు. ప్రస్తుతం ప్రియుడు, ప్రియురాలు హాస్పిటల్లో చికిత్స పొందుతున్నారు.
