రాష్ట్రానికి భారీ వర్ష సూచన

రానున్న ఐదు రోజులు తెలంగాణలో భారీ వర్షపాతాలు నమోదు అవుతాయని వాతావరణశాఖ వెల్లడించింది. పశ్చిమ బెంగాల్ లోని గంగా తీరప్రాంతంలో ఏర్పడిన అల్పపీడనం కారణంగా ఈ వర్షాలు కురువనున్నాయని స్పష్టం చేసింది. దీని ప్రభావంతో రాష్ట్రంలోని పలుజిల్లాల్లో మోస్తరు వర్షాలు కురిసే అవకాశం ఉందని అధికారులు తెలిపారు. ఉరుములు మెరుపులతో కూడిన భారీ వర్షాలతో పాటు గంటలకు 30 నుంచి 40కి.మీ వేగంతో ఈదురుగాలులు వీస్తాయని పేర్కొన్నారు.