అర టన్ను సొర రూ.34 వేలు

అనకాపల్లి జిల్లా పూడిమడక తీరం నుంచి చేపల వేటకు వెళ్లిన మత్స్యకారుల గాలానికి భారీ సొర చేప చిక్కింది. 5 గంటలపాటు కష్టపడి దాన్ని తీరానికి లాక్కొచ్చారు. పడవలోకి చేర్చలేక తాడుతో కట్టి లాక్కొచ్చారు. 15 అడుగుల పొడవు, 500 కిలోల బరువైన సొరను పూడిమడక తీరంలో ఇప్పటి వరకూ చూడలేదని స్థానికులు చెబుతున్నారు. ఆ సొరను తింటారని, వేలం వేయగా రూ.34 వేలకు ఓ వ్యాపారి కొనుగోలు చేసినట్లు మత్స్యకారుడు తెలిపారు.