ఈ ఆకు ప్రయోజనాలు తెలిస్తే అసలు వదలరు..

మునక్కాయలను వివిధ రకాల వంటలలో చేర్చి ఆహారంగా తీసుకుంటాము. అయితే మునక్కాయలే కాకుండా మునగ ఆకులోను అద్భుతమైన ఆరోగ్య ప్రయోజనాలున్నాయని ఆయుర్వేద నిపుణులు చెబుతున్నారు. వందల ఏళ్ల నుంచే పూర్వీకులు మునగాకును ఒక మెడిసిన్ గా కూడా ఉపయోగిస్తున్నారు. మునగాకు లో విటమిన్స్, అమైనో యాసిడ్స్, మినరల్స్ సమృద్ధిగా ఉంటాయి.

మునగాకులో పోషకాలు కూడా అధికంగా ఉంటాయి. మునగాకు తినడం వలన కంటి చూపు మెరుగుపడుతుంది.మహిళలు రోజుకి 7 గ్రాముల మునగాకు పొడిని 3 నెలల పాటు రెగ్యులర్ గా తీసుకుంటే, వారి శరీరంలో 13.5 శాతం బ్లడ్ షుగర్ లెవల్స్ తగ్గాయని ఆయుర్వేద నిపుణులు చెబుతున్నారు. యాంటి ఆక్సిడెంట్ లు మునగాకులో ఉండటం వలన చర్మ సంబంధిత వ్యాధుల సమస్యలను నయం చేస్తాయి. చర్మంపై, మొహం మీద నల్లమచ్చలు, మొటిమలు మునగాకుతో నయం చేసుకోవచ్చు. మునగాకు చర్మాన్ని మృదువుగా, తేమగా వుంచుతుంది. అయితే మునగాకుని నేరుగా ఉపయోగించకుండా లేత ఆకులను తీసుకొని చల్లటి నీటిలో శుభ్రంగా కడిగి కడిగిన ఆకులను ఎండలో ఎండబెట్టుకొని వాటిని పొడి చేసుకోవాలి. ఆ పొడిని నీళ్లలో కలిపి మొహం మీద లేదా బాడీకి నల్ల మచ్చలు ఏర్పడినచోట రాసుకుంటే మచ్చలు తగ్గుతాయి. లేదా ఆకులను కడిగి కొద్దిసేపు నీటిలో మరిగించి ఆ నీటిని తాగడం వల్ల చర్మ సంబంధిత సమస్యల నుంచి ఉపశమనం కలుగుతుంది. అలాగే జీర్ణక్రియ మెరుగుపడుతుంది. మలబద్దకం సమస్య ఉన్నవారికి మేలు జరుగుతుంది.

మునగాకుల రసం తాగితే మూత్ర పిండాల సమస్యతో బాధపడేవారికి ఉపశమనం కలుగుతుంది. మూత్ర పిండాలలో రాళ్ళు ఉండి కడుపులో నొప్పి రావడం, మూత్ర విసర్జన సమయంలో మంట ఉన్న వారికి మంచి ఉపశమనం కలుగుతుంది. క్రమం తప్పకుండా ఒక వారం రోజులు తాగితే వారికి మూత్ర పిండాలలో రాళ్ళు కరిగిపోతాయి. మునగాకు రసం తాగిన ఒక గంట తరువాత తగిన మోతాదులో చల్లని మంచినీరు తాగాలి. అలా చేస్తే మూత్ర విసర్జనలో రాళ్ళు పోతాయి.

వందగ్రాముల మునగాకులో పోషక పదార్థాలు..

పిండి పదార్థాలు - 13.4 గ్రాములు.

ఫ్యాట్స్ - 17 గ్రాములు.

మాంసకృత్తులు - 6.7 గ్రాములు

కాల్షియం - 440 మిల్లీ గ్రాములు.

పాస్పరస్ - 70 మిల్లీ గ్రాములు

ఐరన్ - 7 మిల్లీ గ్రాములు.

సి' విటమిన్ - 200 మిల్లీ గ్రాములు.

ఖనిజ లవణాలు - 2.3 శాతం.

పీచు పదార్థం - 0.9 మిల్లీ గ్రాములు.

ఎనర్జీ - 97 కేలరీలు.