మీ మూడ్ మార్చేసే ఆహారాలు.. ఇవి తింటే ఫుల్ హ్యాపీ..

కొంత మంది ఒంటరిగా గడిపేస్తుంటారు. ఎవరితోనూ పెద్దగా మాట్లాడరు. వాళ్ల లోకమేదో వాళ్లదే. ఇందులో తప్పేమీ లేదు. ఎవరికి నచ్చినట్టు వాళ్లు బతుకుతారు. కానీ ఇది ఆరోగ్యాన్ని దెబ్బ తీస్తే మాత్రం కచ్చితంగా జాగ్రత్త పడాల్సిందే. మన మూడ్ ని మార్చడంలో ఆహారం కీలక పాత్ర పోషిస్తుందని అధ్యయనాలు చెబుతున్నాయి. అందుకే ఒంటరిగా ఫీల్ అవుతున్న వాళ్లకి మంచి ఆహారానికి మించిన మందు లేదు. సరైన విధంగా డైట్ ఫాలో అయితే వాళ్లలో ఏ మాత్రం ఒంటరితనం అనే ఫీలింగ్ రానే రాదు. ఈ ఆహారం వాళ్లని ఎప్పుడూ ఉత్సాహంగా ఉంచుతుంది. 

ఎక్కువ కాలం ఒంటరిగా ఉంటున్న వాళ్లు తీసుకునే ఆహారంలో మిగతా వాళ్లతో పోల్చి చూస్తే ప్రొటీన్ చాలా తక్కువగా ఉంటోందని ఓ అధ్యయనంలో తేలింది. ప్రోటీన్ మాత్రమే కాదు. కూరగాయలు, పండ్లు కూడా వాళ్లు ఎక్కువగా తినడం లేదట. ఎక్కువ రోజులు ఒంటరిగా ఉంటే ఆకలి పెద్దగా వేయదని చెబుతున్నారు. ఒంటరితనంగా ఫీల్ అయ్యే వాళ్లు తమ మూడ్ ని మార్చుకోవాలంటే సరైన ఆహారం తీసుకోవాలి. ఫుడ్ తో మూడ్ మొత్తం మారిపోతుంది. ఏవి పడితే అవి తినేస్తే మాత్రం మరింత ప్రమాదం. ఒత్తిడిని, ఆందోళనను తగ్గించే ఆహార పదార్థాలు తీసుకుంటే ఒంటరితనం నుంచి బయటపడొచ్చు. సంతోషంగా గడపవచ్చు. వంట చేయడం ఇష్టం లేక ఇలా అనారోగ్యకరమైన ఆహారానికి అలవాటు పడతారు. ఇంకొంత మంది రెగ్యులర్ గా ఆల్కహాల్ తీసుకునే అవకాశమూ ఉంటుంది. మనం ఎలాంటి ఫుడ్ తీసుకుంటున్నాం అనే దాన్ని బట్టే మన మూడ్ ఉంటుంది. ఒంటరిగా ఉన్న వాళ్లలో మూడ్ స్వింగ్స్ ఎక్కువగా ఉంటాయి. అవి తగ్గిపోయి హ్యాపీగా ఉండాలంటే సరైన ఆహారం తీసుకోవాల్సిందే.

కొవ్వు శరీరానికి ఏ మాత్రం మంచిది కాదు. కానీ శరీరానికి మంచి చేసే కొవ్వు పదార్థాలూ ఉంటాయి. కొంత మంది వీటినీ పక్కన పెట్టేస్తుంటారు. మరి కొంత మంది కొవ్వు తక్కువగా ఉన్న ఫుడ్ ని ప్రిఫర్ చేస్తుంటారు. అయితే వాటిలో షుగర్ కంటెంట్ ఎక్కువగా ఉంటుంది. అలా కాకుండా బ్యాలెన్స్ గా మంచి కొవ్వు శరీరానికి అందాలంటే ఒమెగా 3 ఫ్యాటీ యాసిడ్స్ ఉన్న పదార్థాలు తీసుకోవాలి. ఇవి మెదడుకి చురుకుదనాన్ని ఇవ్వడంతో పాటు మూడ్ ని కూడా హ్యాపీగా మార్చేస్తాయి. అవకాడో, నట్స్, ఆలివ్ ఆయిల్ తో పాటు చేపలు ఎక్కువగా తీసుకుంటే ఈ ఒమెగా 3 ఫ్యాటీ యాసిడ్స్ అందుతాయి. మనలోని సంతోషానికి సెరొటానిన్ అనే హార్మోన్ కారణం. ఈ హార్మోన్ దాదాపు 90 శాతం మేర పొట్టలోనే తయారవుతుంది. మనం మంచి ఫుడ్ తీసుకుంటే ఆ హార్మోన్ ఎక్కువగా రిలీజై సంతోషంగా ఉండేలా చేస్తుంది. ఇలా ఉండాలంటే ఫైబర్ ఎక్కువగా ఉన్న ఫుడ్ తీసుకోవాలి. ముఖ్యంగా పండ్లు, కూరగాయలు తప్పనిసరిగా తినాలి. ఎన్ని ఎక్కువ వెరైటీలు తింటే అన్ని రకాల పోషకాలు శరీరానికి అందే అవకాశముంటుంది. వీటితో పాటు బ్రౌన్ రైస్, బార్లీ, ఓట్స్ లాంటివీ రెగ్యులర్ గా తీసుకుంటే పొట్టలో ప్రశాంతంగా ఉంటుంది. గట్ హెల్త్ బాగుందంటే రిలాక్స్ డ్ గా ఉండొచ్చు. యాపిల్స్, స్వీట్ పొటాటో లాంటివి తీసుకుంటే శరీరానికి ఫుల్ గా ఫైబర్ అందుతుంది. అందుకే డైట్ లో వీటిని చేర్చుకోవాలి. ట్రిప్టోఫన్ అనే అమినో యాసిడ్ బాడీలో రిలీజ్ అయితేనే ఒత్తిడి తగ్గుతుంది. మూడ్ ఆటోమెటిక్ గా సెట్ అయిపోతుంది. తద్వారా జ్ఞాపకశక్తి పెరుగుతుంది. ఇదంతా జరగాలంటే ట్రిప్టోఫన్ అమినో యాసిడ్ ఎక్కువగా ఉండే ఆహారం తీసుకోవాలి. చికెన్ ఇందులో చాలా ముఖ్యమైంది. చికెన్ లో ట్రిప్టోఫన్ యాసిడ్ ఎక్కువగా ఉంటుంది. దీంతో పాటు అరటి పండ్లు, నట్స్ తీసుకోవాలి. తిన్న ప్రతిసారీ శరీరానికి సరైన మోతాదులో ప్రొటీన్ అందేలా జాగ్రత్తపడాలి. ప్రొటీన్ ఫుడ్ తీసుకుంటే సెరొటోనిన్ విడుదలవుతుంది. ఇది సరైన విధంగా నిద్ర పోయేందుకు తోడ్పడుతుంది.

సోషల్ మీడియాలో వైరల్ అవుతున్న టాప్ మోడల్స్ వీరే.. హాట్ ఫోటో గ్యాలరీ

See Full Gallery Here...