ఆసుపత్రిలో డిజిటల్ రేప్.. అంటే ఏంటి..?

ఆసుపత్రిలో ఐసీయూలో చికిత్స పొందుతున్న ఎయిర్ హోస్టెస్ పై ఆసుపత్రి సిబ్బంది డిజిటల్ రేప్ కు పాల్పడ్డారు. ఈ పదం కొత్తగా ఉంది కదా.. అయితే దాని గురించి తెలుసుకోండి. గురుగ్రామ్ లోని ఓ హోటల్ స్విమ్మింగ్ పూల్ లో ఎయిర్ హోస్టెస్ జారి పడింది. వెంటనే ఆమెను మేదాంత ఆసుపత్రిలో చేర్పించారు. ఐసీయూలో చికిత్స పొందుతున్న సమయంలో ఆమెపై ఆసుపత్రి సిబ్బంది లైంగిక దాడికి పాల్పడ్డాడు. ఆసుపత్రి నుంచి డిశ్చార్జి అయ్యాక బాధితురాలు దీనిపై పోలీస్ స్టేషన్ లో ఫిర్యాదు చేసింది. దీంతో ఈ దారుణం వెలుగులోకి వచ్చింది.

ఆసుపత్రి ఇంటెన్సివ్ కేర్ యూనిట్ (ICU)లో వెంటిలేటర్‌పై ఉన్న ఎయిర్ హోస్టెస్ పై లైంగిక దాడికి పాల్పడినందుకు మేదాంత ఆసుపత్రిలో పనిచేస్తున్న ఒక టెక్నీషియన్‌ను పోలీసులు అరెస్ట్ చేశారు. ICU గదిలో ఇద్దరు నర్సులు ఉండగా నిందితుడు లైంగిక దాడి చేశాడు. కళ్ల ముందే దారుణం జరుగుతున్నా ఆ నర్సులు పట్టించుకున్న పాపాన పోలేదు. ఈ తరహా నేరాన్ని లీగల్ భాషలో ‘డిజిటల్ రేప్’ అని అంటారు.

డిజిటల్ రేప్ కేసుగా నివేదించబడిన ఈ దాడి ఐసీయూ గదిలో జరిగింది. ఇద్దరు నర్సులు అక్కడే ఉన్నారు కానీ వారు జోక్యం చేసుకోలేదు. ‘డిజిటల్ రేప్’ అనే పదం చేతి వేళ్లు లేదా కాలి వేళ్లను ఉపయోగించి ఒక వ్యక్తి ప్రైవేట్ భాగాలలోకి చొచ్చుకుపోవడాన్ని సూచిస్తుంది. ఈ సందర్భంలో “డిజిటల్” అనే పదం సాంకేతికతను కాదు చేతి లేదా పాదం అంకెలను సూచిస్తుంది. డిజిటల్ అనే పదం వినగానే కంప్యూటర్ లేదా ఆన్‌లైన్, టెక్నాలజీ సంబంధించినదిగా అనుకుంటాం. కానీ, డిజిటల్ రేప్‌కు కంప్యూటర్ లేదా ఆన్‌లైన్ వ్యవహారాలకూ ఎలాంటి సంబంధం లేదు. డిజిట్ నుంచి ‘డిజిటల్ రేప్’ అనే పదం పుట్టుకొచ్చింది. ఇంగ్లీష్‌లో డిజిట్ అంటే అంకె. అలాగే, చేతి వేలు, బొటన వేలు లేదా కాలి వేలు అనే అర్థం కూడా ఉంది. డిజిటల్ రేప్ అంటే చేతి వేళ్లు లేదా కాలి వేళ్లను బలవంతంగా మహిళల (లేదా పురుషుల) ప్రైవేట్ భాగాల్లోకి చొప్పించి, లైంగిక హింసకు పాల్పడటం. శరీర భాగాలను (పురుషాంగం కాకుండా) లేక వస్తువులు, పరికరాలను మహిళల యోనిలోకి, మూత్ర మార్గం లేదా మల ద్వారంలోకి చొప్పించడం లేదా మహిళలతో బలవంతంగా ఆ పని చేయించడాన్ని రేప్ అంటారు. దీన్నే డిజిటల్ రేప్‌గా వ్యవహరిస్తున్నారు. డిజిటల్ అత్యాచారం అంటే బాహ్య సంబంధంతో కూడిన లైంగిక వేధింపుల రూపాల మాదిరిగా ఉండదు. సాధారణంగా చేతి వేళ్లు లేదా కాలి వేళ్లను ఉపయోగించి చేసే లైంగిక హింస. ఇటువంటి దాడులు ఆసుపత్రులు, బహిరంగ ప్రదేశాలు లేదా పోలీసు కస్టడీలో కూడా అనేక రకాల వాతావరణాలలో జరగవచ్చు. డిజిటల్ అత్యాచారం ఫలితంగా వచ్చే గాయం తరచుగా శారీరక హాని, దీర్ఘకాలిక భావోద్వేగ, మానసిక ప్రభావాన్ని కలిగి ఉంటుంది.

నైనా గంగూలీ హాట్ ఫోటో గ్యాలరీ

See Full Gallery Here...