తాటి ముంజలు తినడం వల్ల చాలా లాభాలు ఉన్నాయి. వేసవిలో ఈ ముంజలు తినడం వల్ల శరీరానికి చల్లదనం లభిస్తుంది, ఎండ వేడి నుంచి ఉపశమనం లభిస్తుంది. తాటి ముంజలు శరీర ఉష్ణోగ్రతను తగ్గించి, శరీరాన్ని చల్లబరుస్తాయి. తాటి ముంజల్లో నీరు పుష్కలంగా ఉంటుంది, కాబట్టి శరీరానికి తగినంత నీరు లభించి డీహైడ్రేషన్ నుంచి రక్షిస్తాయి.

తాటి ముంజల్లో కొవ్వు తక్కువగా ఉండటం వల్ల, బరువు తగ్గించడంలో సహాయపడతాయి. తాటి ముంజలు జీర్ణ ఎంజైమ్‌లను పెంచడం ద్వారా జీర్ణక్రియను మెరుగుపరుస్తాయి, మలబద్ధకం సమస్యను నివారిస్తాయి. శరీరంలోని చక్కెర, ఖనిజాల సమతుల్యతను కాపాడి ఎసిడిటీ సమస్యను తగ్గిస్తాయి. తాటి ముంజలు చర్మ సంరక్షణకు సహాయపడతాయి, మొటిమలు రాకుండా చేస్తాయి. తాటి ముంజల్లో విటమిన్లు, ఖనిజ లవణాలు, యాంటీ ఆక్సిడెంట్లు వంటి పోషకాలు పుష్కలంగా ఉంటాయి. చర్మ సమస్యల నుంచి ఉపశమనం కలిగిస్తాయి, చర్మం కాంతివంతం అవుతుంది.