మేడ్చల్ జిల్లాలోని ఔషాపూర్‌లో విజ్ఞాన భారతి ఇంజినీరింగ్ కాలేజీ(వీబీఐటీ)లో విద్యార్థినులు పెద్ద ఎత్తున ఆందోళనకు దిగారు. వార్డెన్ రూప హాస్టల్‌లో అమ్మాయిల ప్రైవేట్ వీడియోలు తీస్తోందని వారు ఆరోపించారు.

వార్డెన్ వీడియోలను తీయడం గమనించిన కొందరు విద్యార్థినులు ఫోన్ ఆమె లాక్కొని పరిశీలించారు. దీంతో ఆ ఫోన్‌లో చాలా వీడియోలు ఉన్న విషయం బయటికి వచ్చింది. అంతేకాదు ఆమె ఆ వీడియోలను ఇతర వార్డెన్స్‌కు షేర్ చేసిందనే విషయాన్ని కూడా గుర్తించారు.