ఇంటర్న్షిప్ ఇప్పిస్తానని నమ్మించి రూముకు పిలిచి ఆ విద్యార్థినిపై ఇద్దరు యువకుల అఘాయిత్యానికి పాల్పడిన ఘటన హైదరాబాద్ లో చోటు చేసుకుంది. చెన్నెలో బయోమెడికల్ ఫైనల్ ఇయర్ చదువుతున్న విద్యార్థినిని తన స్నేహితుడు అజయ్ ఇంటర్న్షిప్ ఇప్పిస్తానని నమ్మించి హైదరాబాద్ కు పిలిపించాడు.

కూకట్పల్లిలోని లేడీస్ హాస్టల్లో ఉంటున్న ఆ యువతిని పార్టీ చేసుకుందామని తన స్నేహితుడు హరి ఫ్లాట్ కు రావాలని పిలిచాడు. అజయ్ పిలుపు మేరకు నిజాంపేటలో రాజీవ్ గృహకల్పలోని హరి ఫ్లాట్ కు ఆ యువతి వెళ్ళింది. ఆమెకు బలవంతంగా మద్యం తాగించి అజయ్, హరి ఇద్దరూ రేప్ చేశారు. పోలీసు కేసు నమోదు చేసి దర్యాప్తు చేస్తున్నారు.