సోనాక్షి సిన్హాకు షాక్ ఇచ్చిన అమెజాన్

ఇటీవల కాలంలో ఆన్ లైన్ లో ఫుడ్ ఆర్డర్ చేయాలంటే భయపడుతున్నారు. అలాగే ఈ కామర్స్ సైట్స్ గతంలో ఒక వస్తువును ఆర్డర్ ఇస్తే దానికి బదులుగా వేరే వస్తువు పంపిన ఘటనలు ఎదురయ్యాయి. ఇన్నాళ్ళు సామాన్య ప్రజలకు మాత్రమే ఇటువంటి సంఘటనలు ఎదురయ్యాయి.

తాజాగా బాలీవుడ్ స్టార్ హీరోయిన్ సోనాక్షి సిన్హాకు ప్రముఖ షాపింగ్ సైట్ అమెజాన్ షాక్ ఇచ్చింది. హెడ్ ఫోన్స్ బదులుగా ఇనుప బోల్డ్ లు పంపింది. దాంతో సోనాక్షి ముంబై అమెజాన్ ప్రతినిధి తో మాట్లాడేందుకు ప్రయత్నించగా... వారి నుంచి ఎటువంటి స్పందన రాకపోవడంతో మీడియాని ఆశ్రయించి బండారాన్ని బట్టబయలు చేసింది. ఈ మేరకు అమెజాన్ ను తప్పుబడుతూ సోనాక్షి ట్విట్టర్ లో పోస్ట్ చేసింది.

హెడ్ ఫోన్స్ కోసం అమెజాన్ లో 18 వేలు చెల్లిస్తే అందులో ఇనుప బోల్ట్ ఉందని చెప్పింది. ప్యాకింగ్ అంతా బాగానే ఉన్నప్పటికీ హెడ్ ఫోన్స్ కు బదులుగా ఇనుప బోల్ట్ పంపారని సోనాక్షి ఫైర్ అయ్యింది ఈ ట్విట్ కు అమెజాన్ కంపెనీని ట్యాగ్ చేసింది. దాంతో అమెజాన్ స్పందించి. ఈ ఘటనకు విచారిస్తున్నామని చెబుతూ.... తగిన చర్యలు తీసుకుంటామని హామీ ఇచ్చింది.